Articles by "cerita asal"

.JawaTengah .Magelang #porprov sumbar 2016 terbaru 50Kota aceh Adat dan Budaya Agam agama AMK Ana Mardiana Artikel Babel Bali banda aceh Bandar Lampung Bandara Juanda bandung bank banten bantuan bantal banwaslu banyumas banyuwangi bapedalda baperjakat Barcelona batam batang arau batu akik batu bara batu malin kundang Batusangkar bawaslu baznas Baznas pasaman BBVA bedah rumah TP PKK bedahrumah BEI bekasi bencana bengkalis Bengkulu bentrok Beny Utama bere ali beri pelayanan terbaik berita Bernas BI bim BIN binsos birokrasi BKD bkkbn bkow Blitar bni BNK BNN BNNP bnpb boas solosa bogor bola Bondowoso Bonsai bontang boyolali bpbd Bpbd Kaltim BPJS bpom Brasil bri Brownies buah buahan presiden buka fruit indonesia Budaya bukalapak bukalapak.com bukit gado-gado bukit nobita bukitinggi Bukittinggi bukittingi buku nikah palsu bulittinggi bulutangkis bumd BUMN bundesliga bung hatta bunga Buruh business buwas buya buya naik sedang BVB Dortmund cabor cabor binaraga cabor volly cahaya calo camat camat padang utara capil Catatan celoteh Cerbung cerita cerita asal cerita lepas cerita minang cerpen Chelsea Chelsea Fc chile china cilacap cilegon cimahi coklat cr7 cristiano ronaldo csr pln cta Daerah dahlan iskan dan stroke dana aspirasi dance danlantamal Dapur Redaksi dasawisma dayung palinggam dedi henidal Dekranasda Demak Demak nasional demo demokrasi demplot kodim 0312 Denjaka denpasar denpom densus 88 Depok derby della madoninna derby milan desitinasi wisata dewan pers DFB Pokal Dharmasraya dikti Din Minimi dinas kelautan dan perikanan dinas kesehatan dinas pendidikan Dinas Pendidikan kota padang dinas perikan dan perikanan Dinas sosial kaltim Dinas Sosial Sumbar dinsos dinsos sumbar dinsosnaker dirjen disabilitas disbudpar dishub kota padang diskusi disnas perkebunan sumbar DISPERINDAG disperindagtamben dispora dispora padang DJP DKK Kota Padang DKP DPKA dpr aceh dpr ri DPR-RI dprd dprd jabar DPRD kabupaten bengkulu dprd kaltim dprd kota DPRD Kota Padang dprd lasqi DPRD Padang DPRD Pasaman DPRD Rejang Lebong dprd ri DPRD Semarang dprd sulsel DPRD Sumbar dprd sumut Dprdpas drawingsemifinalLC drpd drpd kota Ducati Dumai dunia pendidikan e-KTP edukasi ekkpd ekonomi ekonomi jabar ekonomi. kasus eksplore emansipasi wanita Emdes emzalmi english EPL erisman eropa euronext amsterdam ticker light Everest expo fadhli fadhli zon fauzi bahar FC Barcelona FC Bayern Munchen FC Bayern Munich Fc Byern Munchen Fc Juventus FC Porto Fc Real Madrid FCBI feature festival festival kopi FIFA filipina Fitur Fiture FKAN FKS france freddy budiman fredi budiman fwp gagal ginjal kronik Galeri Photo ganja gardu listrik Garuda Indonesia Taklukan Thailand garut gas gedung sate bandung gemerlap kembang api gempa Nepal gereja oikumene sengkotek gerindra Getafe gianyar goa petruk goa semar Golkar gor gor haji agus salim Gorontalo GOW Kota Padang gubernur Gubernur Ingatkan Aparat Pengamanan Natal gubernur irwan buka seminar internasional teknologi gubernur jabar gubernur kaltim gubernur sulsel gubernur sumbar guinness world records guru Haji halim perdanakusuma ham hambalang Hari Ibu hari kesehatan nasional hari pers Haris Azhar harneli mahyeldi hasil liga champion hasil liga inggris hasil pertadingan Juventus lawan Real madrid hiburan hkg ke 44 Honda hotel hpn htel savoy homann HUKUM hukum sumbar hut hut 70 bni hut pdam ke 28 iain ibu ibu hamil ikhsan agusta ikm IKOHI ikps Ikw imam bonjol imigrasi IMP In Pasaman inacraft ke 18 indarung indo barca Indobarca indobarca JCi fc indonesesia indonesia indramayu indrmayu inernasional info kesehatan informasi inggris Inspektorat inspirasi Institut Teknologi Padang instruksi walikota padang internasional intisari IORA ipdn iran irian irman gusman irwan prayitno isis iski Islam ispa istiqosah serentak iswan muchtar it italy ITM ITP Iwo jabar jadwal pertandingan jaga kesehatan Jakarta Jakarya jakata jambi jambore jamda jateng jati jatim Jawa Barat jawa tengah jawa timur Jawabarat JawaTengah jayapura JCI jembatan Jendral Gatot Nurmantyo jepang Jerman jessica kumala wongso jkn job fair Joey Alexander jokjakarta jokowi Jorge Lorenzo Jose Mourinho juara junjung sportivitas jurnalis jurus Juventus Juventus Fc ka KAA Kab.Solok kabupaten bengkulu selatan Kabupaten Limapuluh Kota kabupaten solok kada kadis pu kajati kajati sumbar kaktim kalimanan utara kalimantan kalimantan timur kalimantan utara kalimatan utara kalimtan utara kalsel kaltar kaltara kaltaran kaltim Kaltim Fokus Hilirasasi Industri kaltura kamang kampung pondok kampus kan kanker kantor camat kantor gubernur kanwil depag sumbar Kanwil pajak kapal karam karang taruna karawang karet Kasus kasus gardu listrik kata bijak katarak kathmandu kawasan bebas sampah kayu hutan kayutanam keamanan kebakaran kebersihan kebijakan banci kebijakan pribadi Kebudayaan kecamatan kecamatan nanggalo kecamatan padang barat Kediri kedokteran kehumas lebih baik kejati kekayaan alam kaltim kekayaan buah tropis nusantara mendunia kekerasan terhadap wartawan kekeringan kelautan kelautan dan perikanan kelompok santoso kelompok tani keluarga kelurahan kelurahan kampung pondok kelurahan ujung tombak pembangunan bangsa kematian Angeline kemenag kemenkes kemenkominfo kemenkumham Kemenlu Kemenperin Kemenperin nasional kemenpora Kemenprin kemensos kementan biro humas kemensesneg kementerian Kementerian Keuangan kementerian Pariwisata Kementerian Sosial kementrian luar negri kementrian pendidikan Kenperin kenyaman atlit lebih baik Kep. Kep.mentawai kepala kepala dinas kehutanan kaltim kepala kantor penghubung sumbar kepri kereta api kerinci kesehatan kesenian ketenagakerjaan ketua dprd padang ketua dprd sijunjung garap isteri sopir ketua komisi syamsul bahri ketua umum komisi penyiaran informasi ketua v porprov sumbar khofifah kim jong-un Kisah kkn KLB Kodam kodam iii siliwangi kodim Kodim 0311 pessel Kodim 0311/Pessel Kodim 0430 Banyuasin Kodim 0731 kodim se indonesia Koltim komandan korem komnas HAM komodo kompetisi tingkat dunia Komunitas kondom kongres IV PDI-P koni kontingen pwi kontraproduktif Kontras kontribusi orang tua siswa Kontroversi tes perawan dua jari kopassus koperasi kopi arabica kopi beracun kopi sianida korban kekerasan mesti dilayani dengan baik korea utara korem korpri Korupsi korupsi gardu listrik korupsi. KPK koruptor kostrad kota padang Kota Pariaman Kota Payakumbuh Kota Serang Kota Tangerang kotasolok kotrad kpi kpk kpu kriminal KSHARC KSPI Kuliner kumpulan berita porprov sumbar kunci sukses menang pertandingan kuningan kunker kutai KY La LIga Lamongan lampu lampung lantamal lapas Lazio Lebak led Leg I liga Champoins Leg pertama semifinal Liga Champion leg pertama semifinal liga champions 2015 Legenda lelang resmikan lembaga layanan lembang lgbt liga champion liga champions liga eropa liga indonesia Liga Inggris Liga Spanyol light beyond ilumination liliana natsir Limapuluh Kota limapuluhkota lingkungan asri Lionel Messi Lippo liputankhusus listrik LKAAM LKP Lombok Barat london london book fair los lambuang lounching lpm LSM Lumajang lyrics machudum Magelang mahasiswa Mahkamah Konstitusi mahyeldi majalah al hikmah mak inggih mak karani makasar makassar Malanca Marendo Malang Malang Raya malaysia maluku manado Manchester City Manchester United mandeh mapala Marc Marquez marching band Marcos Rojo maritim markas paskhas maroko Maros masakar masjid masjid al iklas matahari SPR Mataram maulid nabi muhammad SAW May Day medan megelang menag mendikbud menkominfo Menperin menpora Menristek mensos Mentawai menteri menteri bapenas menteri bumn menteri politik hukum dan keamanan menteri susi MH370 milo Mintak Nomor Rekening Mak Datuak minuman minyak miras mirna mk mnek mobil Moeldoko Mojokerto motivasi MotoGP MotoGP2015 MP3ESB mpr mpr ri mpr sosialisasi empat pilar mtq mtsn model padang MU MuaraLabuah muaro lasak muhamadiyah MUI muko muko museum museum adityawarman Museum adytiawarman musik musik jazz muskerwil ikps riau musrenbangnas MV Hai fa naaional nadional nagan raya naganraya napak tilas narkoba nasioanal nasioanl nasiona nasional nasional kita bangun indonesia dari pinggiran Nasional ppwi nasional Universitas nelayan nenek asiani nepal news neymar Ngawi Nias nobar NTB ntt nurul iman nusantara Ny Nevi obral remisi olagraga OLAHRAGA olahraga motogp olahraga sepak bola olahraga sepakbola olahraga sepakbola liga champions OLAHRARAGA olimpiade Rio olimpiade rio 2016 Ooini OPEC Opini Opinj organisasi Ormas otoda otomotif otonomi otto hasibuan pacific partnership padag padamg padan Padang padang bersih padang fair Padang Panjang Padang Pariaman Padang penrem padang timur padang. kasus padangpanang padangpanjang Padangpariaman pagaruyung pahlawan nasional painan pajak pajero palangkaraya palembang Palmeiras pameran panatai padang Pandeglang pangan pangdam vi mulawarman Panglima pantai pantai air manis pantai padang panti papua paralayang PARIAMAN paripurna Pariwara pariwisata pariwisata kaltim pariwista FKN parlemen partai partnership 2016 PAS Band Pasaman Pasaman Barat pasar johar pasar kaltim pasar rakyat pasbar Pati Patnership paud pauh pawai payakumbuh pb sgs PDAM pdf pdip pdt darwin pedagang Pekanbaru pelajar pelantikan bkow pelayanan kasus kekerasan pemain terbaik lpi Pemanfaatan Transaksi Elektronik Untuk Kemajuan UMKM pembangunan pembebasan jalan tol bpjn 12 balikpapan pemberhentian kepala sekolah pembicara dari malaysia pembicara irfan wahid pembukaan porprov xiv pembunuhan Pemda Pasaman pemerintah sulsel Pemerintahan Pemeritahan pemilihan uda uni 2015 pemimpin global pencahayaan pemko padang pemko sulsel pemkopadang pemprov pemprov jabar Pemprov Jabar Raih Penghargaan KPK pemprov kaltim pemprov sumbar pemuda pancasila pemukulan wartawan pencahayaan rumah pendaki pendididkan Pendidikan pendidikan. lpi pendim 0311 pendim 0311/Pessel penduduk pengangkatan tenaga honor penganiayaan guru pengelolaan pulau kecil Penghargaan penginapan atlet pengukuhan pengukuhan bsmi sumbar pengumuman pengungsi ronghiya penjara evin Penrem Penrem 032 Penrem 032/Wbr Penrem padang penulis penya real madrid perbankan percaya diri perempuan pergi shopping perhubungan perilaku amoral perindo Peringatan Hari Nusantara Peringatan Hari Perkebunan ke-59 peristiwa permen karet permindo pernikahan perpustakaan pers persiapan persit pertamina pertaminan pertanian perumahan dan permukiman pesel pesilat Pesisir selatan Pessel petani peternakan pf pgri philip lighting philippines sport stadion philips hue Piala AFF 2016 piala dunia piala super spanyol piala walikota padang pilgub pilkada pilkada sumbar pilkades PIN pjk PKK PKK Kota Padang pkl pks PLN plt gubernur aceh pmi PNPM pns poitik pol pp pol pp pol ppp Polda Polda sumut polisi polisi mabuk politiik Politik politik hukum Polres Polres Pasaman polri poltik polwan ponpes pontianak popda porprov porprov 2016 porprov dharmasraya porprov sumbar porprov sumbar 2016 porseni porwanas potensi wilayah kaltim pp PPIA PPWI pramuka prasjal tarkim Premier league presiden presiden jokowi Presiden Jokowi Tiba di New Delhi prestasi Profil RA Kartini Profile proyek dermaga ketapang PSG psht PSP Padang PSSI PSV Eindhoven PT PT KAI PT Rimbo Peraduan ptm pu PU Kota padang puasa pucuk Puisi pulau buru pulau sikuai purwakarta pwi qasidah raih prestasi raker komwil i apeksi rakor rakor kaltim rakyat setprov ramadhan rapat paripurna ratu atut Real Madrid realmadrid. barcelona redaksi redaksi nusantaranews group Redaksi pedoman regulasi ulang perizinan toko dan pasar modern remisi repsol honda Retrofit ri!bo perpaduan Riau rini soemarno rizki pora Rohil rongsokan Rossa RPJMD rri RS Harapan Bunda RSN rubrik Rubrik Adat rubrik minang Rubrik PIN rudiantara ruhui rahayu Ruri rusuh tanjungbalai sabu safari politik salatiga samarinda samsat sapma sapol pp SAR sarana dan prasarana sarolangun sarolangun nasional satpol PP sawahlunto sawahluto SD Negeri 02 UKS seberang palinggam sebra serbi secapa ad sediakan sarana porprov sejarah selaju sampan selaju sampan tradisional seleb semarang semen padang SEMEN PADANG FC seminar seminar nasional sendimen seni sepak bola sepak takraw sepakbola Sepeda sepeda ria serang serba serbbi serba serbi serba-serbi Serie-A sertijab sevilla si pekok sianida sibolga sidak sidang jessica kumala wongso sidoarjo sigil sigli Sijunjung silat silek sin tax singapura Sinjunjung sirkuit Austin Sirkuit Austria siswi sma 6 padang situs islam SKK Migas Sleman SMA 1 sma 10 sma 2 padang SMA Negri 2 Padang smk muhammadiyah SMP 3 Padang SMP 30 SMPN 4 solo travelling solok solse solsel sop sopir dinas antarkan atlit porprov sorotan dprd sosial sosialisasi SP Spanyol Sparco sport sri mulyani stih STISIP stisip ypkmi padang style suap suardi junir subang suka jala jalan sukabumi Sulawesi sulawesi selatan sulsel sultan sulteng sulut sumatera Sumba Sumbar sumbar expo sumbar expo 2013 sumbar. korpri sumbar/pariaman SUMBAR/Sijunjung Sumbat sumsel sumut sunatan sunbar sungairumbai suprapto Surabaya surakarta Surbaya susel sutiyoso Suzuki syekh Ahmad Khatib syiah Houthi tabligh akbar tahajud gathering tahun baru 2015 Taichung City tak selesaikan masalah takengon taman budaya taman melati tambang emas tana paser Tanah Datar tanahdatang tanahdatar tanaman tanatoraja tangerang tanjung pinang tantowi ahmad tarakan tarakank tarakaran Taruna Akademik AL Kunjungi Kaltim tausiah tawuran tax amnesty TDS tds 2016 Teknik teknologi telkom temanggung Tempat tentara tercantik didunia terang benderang teror bom teroris terpadu testimoni tifatul sembiring tips tips hidup sehat tips hubungan tirta darma ayu TKI tmii tmmd Tmmd kodim demak tmmd/n TNI TNI AD TNI AL TNI AU toraja tragedi Mei 98 trans padang transportasi traveling travelling trik tropi juan gamper TRTB ttg tuban Tulungagung UIR ukw ulama ULP umkm UN un bocor Unand unik universitas universitas andalas unp upacara UPS uptd usaha USNS Mercy uu UU P3H vaksin palsu Valencia valentine day Valentino rossi Video vietnam visi revolusi oranye vitamin A wagub wagub jabar wagub kaltim wagub terima hkbp wakil walikota Wako Serahkan Penghargaan dan Santunan ASN Purna Tugas walhi walikota walikota dipanggil dprd walikota padang walikota padang tegur fatriaman wanita wapres yusuf kalla warga gerebek ketua dprd sijunjung wartawan wasbang washington wawako padang wayan mirna salihin WHO whta Wisata wisata halal dunia WNA Nigeria wni world halal tourism award 2016 wtp yamaha yaman Yogyakarta YPKMI ypkmi padang yuliandre darwis zakat zardi syahrir
Showing posts with label cerita asal. Show all posts

Satiok Mak Uniang payi rapek kalua daerah urusan  karajo, urang manyuruah baliau jadi imam sumbayang bajamaah. Sakali wukatu di Yogya, shaf mugarik  lah panuah nan kajadi imam alun tibo. Ado surang nan basuaro, "Orang Padang siapa, ayo maju jadi imam." Ba itu bana tuah jadi urang awak di nagari urang. 

Sakali wukatu maso Mak Uniang jadi urang surek kaba,  di awa tahun sambilanpuluhan, mangecek jo urang Bugih Makasar. Kato baliau di kampuangnyo saisuak, kok ado kamatian, untuak mamandian, mangapani mayik,  sampai malapeh jo duwah salamat, imbau sajo urang Padang.

Asa tasabuik urang Padang, kecek kawan dari Makasar ko, pasti urangnyo siak, pandai baugamo. Caro manyarinyo  murah sajo. Caliak sajo laki laki manggaleh di pasa nan mamakai kupiyah hitam. Sapo sajolah kok ka batanyo mintak toloang masalah ugamo. 

Ruponyo namo baiak urang awak di tanah Sulawesi tu, diukia dek babarapo urang pangulu maso sausuak. Antaronyo Datuak Ripatimang, Datuak Ripari, Datuak Ri Tiro. Baitu urang Bugih Makasar manyabuik tigo urang pangulu nan maanta ugamo Islam ka kampuangnyo.

Manuruik kaba nan dijawek, urang Minang nan payi ka Sulawesi tu, banamo Katik Tungga bagala  Datuak Makmur, urang Sulawesi manyabuik  Datuk Ribandang. Katik Suluang bagala Datuak Sulaiman disabuik di Sulawesi Datuak Patimang. Ungku Nurdin Ariyani bagala Katik Bungsu disabuiknyo Datuak Ri Tiro. 

Satantang Datuak Patimang juwo tasabuik dek urang Bima Nusa Tenggara Barat. Baliau maanta ugamo Islam ka sinan. Ado pulo Abdullah Raqie bagala Datuak Karamah basamo jo Ungku Mangaji. Baliau ka Palu, Bulukumba sampai ka Gorontalo jo Maluku. Datuak Putiah, Kalano Basa sampai ka Sulu jo Philipina.

Namo namo urang awak tu diukia jo tinta ameh dek urang tampatan. Sarupo di Palu ado IAIN Datuk Karamah. Di Bulukumba ado Islamic Center Datuk Tiro. Malah di Manila ibukota Philipina ado Musajik Datuk Putih.

Carito ko disampaian Mak Uniang ka Malanca sudah sumbayang subuah di Musajik Tawakal, pagi tadi. 

"Jadi waang nan ka iduik lamo, usahoanlah banamo baik takah baliau baliau tu," kecek Mak Uniang manasihati Malanca.

"Tantu bagala datuak pulo waden dulu Mak Uniang, supayo hebat takah urang urang tu," tanyo Malanca.

"Tabaliak waang mah. Jadi urang hebat waang dulu, baru bagala datuak," baleh Mak Uniang.

Malanca paniang....

Foto by google

Manuruik curito, dahulu zaman saisuak, sabalun Bulando masuak, Mak Inggih jadi ungku palo di sabuah kampuang. Tasabuik baliau tagak tali. Takah indak ado nan bisa manggantikannyo. Sabab baliau bakawan jo toke toke kayo. Walau  banyak upek dari  puji, nan baliau santai santai sajo. 

Mak Inggih tu tamasuak urang mujua. Sabab dalam iduik ko urang bodoh kalah dek urang cadiak. Urang cadiak kalah dek urang kayo. Urang kayo kalah dek urang baruntuang. Urang baruntuang kalah dek urang mujua. Urang mujua nan jadi pemenang.

Mako Inggih disabuik mujua.  Sabab, ndak ado potongan ungku palo tu di badannyo. Ba itu juwo dari kapandaiannyo. Tapi karano induak samang picayo, sarato urang banyak pulo maagiah suaro kutiko pamilihan, mako taangkek baliau jadi pucuak nagari. 

Kecek masyarakat  maso itu, banyak kecek Mak Inggih ndak sasuai jo nan dipabueknyo. Karano tu ado pihak kurang suko jo baliau. Tapi karano  Inggih maso sikola baraja ilemu pangatahuan alam, mako dinyo salasai sajo manampuah rimbo rayo.

Caro Mak Inggih mamimpin, samo takah urang  masuak hutan. Ndak paralu didanga bunyi bunyi  binatang sakaliliang awak. Taruih sajo bajalan supayo sampai ka subarang. Ba itu ilemu rimbo jo nurani nan dipakai Mak Inggih.

Kok ado harimau maambek, agiah an kambiang ka harimau tu, padia harimau asiak makan kambiang. Kok ado ula mangango agiah ayam ka ula tu, sampai tacakiak ula tu makan bulu ayam. Kok tibo buayo putiah daguak, agiah an kijang ka buayo tu, biya tasakek tanduak kijang di paruik buayo. 

Pokoknyo kasado nan mangaduah pajalanan,  disalasaian  jo nan ado di jalan. Ba itu caro Mak Inggih mamakai aka  jadi ungku palo. Ado nan mintak gala agiah gala. Ado bakandak kurisi,  agiah kurisi. Ado nan awih agiah aia. Kok mintak makan agiah nasi. Ado mintak pangkek agiah pangkek. Nan paralu sa isi nagari hanok. 

Kok ado  nan  manyalak dari baliak tabiang, anggap sajo inyo jago lalok. Kafilah tatap bajalan. Ndak paralu dihirau. Biya sajo nan manyalak tu mangango dari pagi sampai pagi. Beko inyo ka hanok surang  kalau lah latiah.

Sakali dubalang malapor ka Mak Inggih, baso bareh abih dalam kampuang. Jawek Mak Inggih utang sajo ka kampuang sabalah. Ado lo mangecek jalan balubang, jawek Inggih imbau sajo tukang kampuang sabalah utang sajo dulu. Upah cat kantua lun babayia Mak, kecek nan lain.  Mak Inggih manjawek pinjam ka kampuang sabalah.

Wali joroang mambawo kaba anak nagari kurang  balanjo. Jawek Mak Inggih tunggu kiriman utang dari kampuang sabalah. Tarakhir bandahara nagari maagiah kaba baso utang lah banyak. Mak Inggih sanyum sajo. "Kok ado pitih kito bayia. Kok alun ado pitih, bajanji kito dulu." 

Dek Mak Inggih hiduik ko damai sajo, sasuai jo pituah: tak kayo, barani pakai. Alah baialan, alun mintak janji. Manjalani hiduik  ndak buliah  ragu. Tampuah sajo. Kok ado nan bisa dilego yo dilego. Hari sahari baharago. Ado nan bisa dipajak yo dipajak. Kok tak di urang, tantu di awak. 

Ado nan mangecek maso itu, bisa ancua nagari di tangan Mak Inggih. "Paja tu seteres mah,"  baleh Inggih sambia galak jo konco konconyo.

Curito ko takana dek Mak Uniang, sudah sumbayang subuah sapulang musajik pagi tadi. Bibia Mak Uniang manggarik ka bacurito. Tapi ndak jadi.

Malanca batanyo, "Ado curito baru pagi ko Mak?" 

"Beko waden curitoan, seteres waang mandanga," jawek Mak Uniang sambia manggosok kaniang.

Malanca tahaniang......

Penulis : Ampera Salim


Cerita kisah seorang Putri Raja dengan Buyung Elee, sehingga putri raja sampai hamil dek ulah keseriusan  dan keberanian di miliki Buyung Elee di ketahui sang raja, akhirnya Putri Raja di temui Buyung Elee kembali di bawa ke istana. . Ikuti kisah putri raja.


Keberanian Buyung Elee, mencari putri raja yang raib atau meninggalkan istana bersama dayang- dayangnya kedalam hutan belantara yang jauh dari istana kerajaan.


Putri Raja lari bersama dayang'-dayangnya dari istana masuk hutan belantara di sebabkan cerita ibunya yang katakan bahwa kaum lelaki sangat jahat terhadap kaum perempuan.


Hal itu di sampaikan ibunya Sang Ratu saat putri sedang mengiris bawang tersayat akibatnya  luka di ujung jari putri sehingga berdarah.


Ibunya katakan pada putri luka ini belum seberapa ungkapan ibunya sambil mengelus bahu putrinya yang cantik dan manja tersebut, tapi lebih mengerikan dan sangat sakit sekali bila disakiti  kaum para lelaki, nantinya, sebut ibunya.


Hal ini menjadi pemikiran serius bagi putri, lalu Ia pun menyampaikan nya pada dayang-dayang, untuk ambil keputusan meninggalkan istana dan lari masuk hutan belantara agar tidak bertemu dengan kaum laki-laki yang di pandang sangat sadis dan kejam.


Kepergian putri dari istana saat itu menjadi berita viral  sebab raja mengumumkan pada khalayak ramai dengan mengatakan siapa yang menemukan putrinya dan membawa ke hadapan raja di beri hadiah  yang besar  sekali.


Sehingga para pemuda berdatangan ke istana menemui raja untuk mendaftarkan  diri dalam sayembara mencari putri raja. Sudah seratus orang yang mendaftar satupun tidak berhasil menemukan putri anak kesayangan raja tersebut.


Saat mendebarkan putri raja sudah tak di temukan hampir dua minggu kabar berita tidak jelas di mana keberadan putri semata wayang raja di hutan blantara yang luas.


Kondisi saat itu di istana kerajaan tak menentu datanglah buyung Elee menemui raja dan katakan kesiapannya untuk mencari putri raja sampai ketemu dan di bawa kedepan raja.


Akhirnya raja merestu yang ke nomor seratus satu orang mencari putri, Buyung Elee, menanyakan pada raja arah mana putri tersebut perginya. Raja katakan arah utara, Sebelum berangkat Buyung Elee membuat segala persiapan, pertama sekali mengganti pakaiannya dengan pakaian perempuan.


Sudah beberapa kilometer perjalanan masuk hutan yang kelam, mendaki dan menurun  banyak binatang buas di tengah hutan di temui tapi tidak ada yang mengganggunya...


bersambung.. ikuti cerita Perjuangan Buyung Elee, di tangkap dayang-dayang  putri raja  di tepi sungai  dalam hutan... di hadapkan  pada putri raja.tf

Takana maso ketek dulu, di kampuang, patangan tahun tujuahpuluhan, Mak Uniang takuik bana jo carito tukang karek kapalo. Karano tu Mak Uniang, ndak amuah main surang, apo layi  jauah jauah dari rumah.

Kawan samo gadang jo Mak Uniang ba itu pulo. Ndak buliah dek amak jo apaknyo main surang surang. Sabab, kalau main surang, beko tibo urang tukang karek kapalo. Kapalo wak dipotoangnyo untuak bata mambuek jambatan.

Maso tu, anak anak kok main bakalompok kalompok, sasamo gadang. Bagai bagai kagiatan di buek pulang sikola. Kadang bungkuih nasi bagubalo. Kadang baok bareh batanak di parak. Kadang manimbo banda, baka ikan. Kadang maabuih ubi di dangau tapi sawah. Kasadonyo tu  dibuek basamo samo.

Sanjo hari, main bola jo limau gadang. Main lang alang di tanah lapang. Ado basipak rago di jalan gadang. Tamasuak induak induak, anak padusi main kasti sasamo inyo. Basudahi jo manjapuik aia basamo samo jo embe ka sumua tapi banda.

Kutiko malam ka lalok di surau, ba itu juwo. Kok ado nan manyabuik litak takana nasi, kawan ko ka dapua maresek tungku. Nan lain sato pulo mancari lado garam gulai. Ado nan tangka tangka tangguang, antah di maa inyo dapek, antah ba a caronyo manjalo, nan jaleh inyo lah mambao ikan. Pokoknyo  ka lalok tu sado anggota, lah kanyang makan barapak.

Kini lah tibo di zaman now, baru Mak Uniang tahu mukasuik urang tuo tuo maso dulu.  Manakuti jo curito urang tukang karek kapalo. Aratinyo, awak ndak buliah bajalan surang. Sabab bajalang surang tu acok sasek. Ndak buliah makan surang. Biasonyo makan surang tu tacakiak.  Ndak buliah main surang. Biasonyo main surang  tu acok kalah.

Hiduik tu musti bakalompok. Bajamaah kecek urang siak.  Sumbayang bajamaah, gadang pahalonyo. Duopuluah tujuah kali lipek. Manggaleh bajamaah gadang kauntungannyo,  pokok wak  jadi banyak. Bakarajo bajamaah capek salasainyo, tanago balipek gando.

Sajarah juwo mambuktian takah itu. Kutiko malawan Bulando surang surang, murah sajo panjajah mamatahan sarangan nan dibuek. Kutiko lah basamo samo malawan  Sitinggih mancuang iduang, mako sakutu jo Inggirih bagai bisa angkek kaki. Apo lai si Japang nan kenek randah. Sakali ambuih, tabang.

"Itulah gunonyo baiyo batido. Barek sapikua, ringan sajinjiang. Saciok bak ayam, sadanciang bak basi," kecek Mak Uniang manyambuang curito ka Malanca sudah sumbayang subuah pagi tadi.

Malanca manyolo, "Kapatang ko Simancuang mausia cadiak pandai nan taromat di pulau, ba a tu Mak?"

"Mangkonyo main tu jan jauah jauah. Ijan pulo surang surang, beko sobok jo  tukang karek kapalo," jawek Mak Uniang.

Malanca bapikia, apo mukasuik Amak kow........"Atau iko nan tukang karek kapalo tu," bisiak Malanca samo surang...

Jikok di kampuang sampik jalan bakeh lalu, mako di rantau Rajab basuo Uwai Inun.  Umua Uwai ko lah mandakek sanjo.Tapi  baliau tatap sihat. Walau sadarhana, rawik mungkonyo nampak bahagia. Garih garih curia nampak di pipih Uwai nan lah karuik.

Sajak mudo Uwai Inun basuami  urang siak. Junjungan liau tu jadi imam musajik. Uwai baranak duo urang. Nan tuo si Malati. Nan ketek Rais. Kaduo anak baliau ko sikola ugamo mangaji kitab kuniang.

Takalo Malati baumua duo puluah labiah. Banyak nan tibo ka Uwai Inun mintak jadi minantu. Ado nan toke  talen, urang panggaleh. Ado pagawai  juru tulih. Ado bapangkek gagah  basaragam. Ado lo anak kayo kaum padagang. Ado pulo kamanakan toke rampah. Mareka ko tapuji dek urang banyak. Karano diliek pado lahia, barasil caro iduik.

Sungguah pun ba itu, kasadonyo ditulak jo caro haluih dek Uwai. Kato Uwai ka urang nan tibo. "Malati inyo sikola baru. Alun tapikia dek inyo  kini lai. Ancak rang mudo cari nan lain sajolah. Mananti bana, kami ndak bajanji."

Saganok nan datang tadi baliak kanan. Tak dapek batulak ansua. Rapek paga bakeh lalu. Jo tampang ndak bisa masuak. Jo pitih ndak bisa diago. Apo lo kok  katurunan dibanggakan, ndak laku di Uwai. Sandang sajolah tuah diri kalian surang surang. Nan pintu lah tatuik mati. Kiro kiro baitu mukasuiknyo.

Taradok diri si Malati, kok dicaliak rupo, yo agak beda dari nan banyak. Raso bidodari sasek ka bumi. Muko barasiah takah rambulan. Iduang dasun tungga. Dagu labah tagantuang. Mato lindok kumbang bataduah. Bibia asam sauleh. Pipih pauah dilayang. Pokoknyo buek di nagari tampek tingga, nampak bana tacilaknyo.

Pado suatu hari, datang anak mudo maagiah caramah  bulan  puaso. Ustad ko urang biaso sajo. Rupo wajah hanyo pas pasan. Tingga manatap di  kampuang sabalah, jadi garin sambia maaja  anak anak mangaji. Badan kuruih, takah malayang. Tapi  pangajiannyo  suai dek Uwai Inun.

Sudah sumbayang tarawiah, Uwai batanyo, dimaa baliau tingga. Dibari jawek alakadarnyo, Uwai maucap tarimokasih.

Duo hari sasudah rayo, tibolah utusan Uwai mintak ustad tu datang ka rumah. Ruponyo, Malati lah satuju pulo jo ungku mudo ko. Akianyo disapakati hari panikahan jo baralek.

Itulah nan dialami  Rajab, nan pado tahun sabalunnyo, tak  dibawo singgah dek urang kampuang nan punyo  anak gadih. Urang gaek di kampuang Rajab  mancari kayo ka minantu. Makonyo nan pulang marantau sajo baliau jamu. 

Barakek saba,  tawakal pado Allah. Inyo puaso Sanayan Kamih, tahajud sarato duha. Akianyo Rajab dapek  barlian di nagari urang.

Curito ko tajadi sabalun Japang masuak. Kutiko diulang Mak Uniang ka Malanca, sudah  sumbayang subuah di Musajik Tawakal pagi tadi, Malanca tangango.

"Ba a?  Layi masuak dalam pangana?" panciang Mak Uniang.

Malanca tapana.....


Sakali wukatu maso dulu, di tahun tigopuluahan,  kutiko Ulando bakuaso. Sasudah sumbayang asa, di sabuah stasiun kereta api di Ranah Minang, ado sakalompok anak mudo  pulang dari rantau, bakumpua sasamo gadang. 

Kecek Gunawan Moehammad dalam salah satu Catatan Pinggir Majalah Tempo, mangutip memoar Muhamad Rajab, anak mudo tu pakai baju wol, sipatu kulik kalaf. Jam tangannyo maha. Sagalo alat kelengkapan nan dipakainyo baharago kelas tinggi.

Sasudah makan sate,  dibawok urang dari Padang Panjang,  anak anak mudo tu barabuik saliang mambayia an kawannyo. Si Rajab cuma mancaliak sajo dari jauah. Galagat kawan kawan nan samo gadang jo Rajab tu, maundang paratian dari apak apak nan duduak di subarang jalan. 

Takalo mugarik masuak, anak anak mudo paralente tadi datang ka  musajik sumbayang bajamaah. Sasudah isya baru pulang. Takalo jalan pulang itulah, masiang masiang lah diiringan dek kalangan apak apak dibawok makan ka rumah. Diparkenalkan jo anak gadihnyo.

Ndak lamo sudah tu, kawan kawan Rajab tadi baliak ka rantau mambawok istri surang surang. Tantu sajo masiang masiang mandapek anak apak apak nan sobok di musajik tadi.

Ruponyo, kecek Rajab dalam hati, kok ka mancari minantu  lah ado ukurannyo. Jaleh padan jo padok. Urang ndak tawakal kapado Allah. Tapi yakin kapado kepeang. Inyo sangko jo kepeang iduik anaknyo sanang, sagalo urusan salasai. Dek karano itulah baruntuang anak mudo nan barasil mangumpuakan pitih di rantau.

Sayang sakali Rajab indak maranatau. Inyo manyambuang sikola, sasudah sikola rakyat masuak tawalib. Akianyo Rajab dipicayo jadi garin jo imam musajik.

Rajab nan lah lamo jadi garin, ndak ado nan mamintak jadi minantu. Samantaro kawan kawannyo baru sajo pulang dari rantau, labiah diharagoi dek urang kampuang. 

Sajak itu Rajab mangecek samo surang, "Suatu kutiko nantik, kampuang halaman pasti waden tingga an."

Curitoko diulang Mak Uniang ka Malanca sudah sumbayang subuah pagi tadi. Karano tadanga suaro Mak Uniang parau parau basah, Malanca batanyo, "Mak Uniang baa maso mudo dulu? Maraso lo takah Rajab tu?"

Sakali ko Mak Uniang tahanok.... 
by : Ampera Salim


Surau tu talatak di bawah tabiang dakek panurunan. Panghuninyo Nurdin alias Sirong. Wukatu mudo dulu, baliau sorang pandeka pandai basilek. Takalo PON paratamu di Solo, maso orde lamo, inyo  juara di galanggang, dapek madali cabang silek. 

Pado  tahun tujuahpuluhan, maso Mak Uniang ketek ketek, Sirong nampak  sorang sajo tingga di surau usang tu. Tanak makan,  sasah baju,  kameh dek inyo surang diri. Kadang datang anaknyo manoloang babagai kagiatan. Tapi sajak anaknyo tu balaki, tingga inyo sorang sajo mangamehi kabutuhan sahari hari. 

Mancubo istikomah hiduik  surang, Sirong  ndak bagawua jo urang banyak.  Kabanyo sajak peristiwa orde lamo tumbang, inyo takuik jo bunyi sinapang badia. Jikok nampak urang basaragam,  Sirong langsuang hormat angkek tangan. Inyo ndak paduli urang tu mancaliak atau indak. Nan jaleh inyo lah mambari hormat.

Takalo  basobok jo urang lain di jalan,  inyo  tatap manyapo. Ka urang nan labiah tuwo,  takzim bana baliau batutua. Tapi kok ka urang nan samo gadang, apo lai indak tantu namo, saponyo cuma manyabuik anu. "Kama nuu," sapo Sirong. 

Tiok hari lalu di jalan tangah kampuang, Sirong  ndak amuah  singgah mahota di lapau. Sudah balanjo mambali minyak tanah, sabun jo minyak manih, inyo langsuang  baliak ka surau tampek tingga. 

Giliran gotongroyoang Sirong sato. Tapi inyo mamiliah tampek jauah dari urang rami. Baliau alergi jo carito nan indak paralu. Sirong ndak mau tahu, gunjingan urang tantang inyo. Nan paralu dek inyo sato sakaki bamasyarakat.

Bajalan surang  ndak bakawan,  tatap dipakai Sirong kama payi. Tamasuak pulang sumbayang Jumat dari Musajik, Sirong  bajalan  tapisah dari rombongan urang lain. Baliau ndak amuah mandanga kecek mauleh isi katubah nan tadi dibaco katib. Mungkin dek Sirong, katubah di mimbar sajolah. Tak paralu pulo di buek di jalan.

Jikok sumbayang limo wukatu,  baliau mamiliah surang sajo. Tampeknyo di ateh batu pipiah basusun rapi di balakang suraunyo. Di sinan Sirong sujud. Dulu ado pancuran mandi di sabalahnyo. Sajak tali banda aia putuih, pancuran mandi tu kariang.

Pokoknyo, Sirong ndak mangaduah ka urang lain. Inyo ndak sibuk mamikia urusan urang banyak. Tasarahlah sia nan mamimpin nagari ko. Ndak mau tahu baliau. Inyo ndak butuh surek kaba. Inyo ndak  paralu mandanga radio. Inyo tak nonton tipi. Hari hari manjalani kahidupan inyo diam, hanok sajo.

Kutiko surau Sirong  runtuah di makan maso, inyo tatap batahan di maherap. Sainggo tampek lalok  jo dapua tampek batanak nasi samo sajo,  di maherap tu. Sirong  ndak paduli. Sabab inyo tahu, baso inyo ndak punyo tamu nan ka bakunjuang. 

Urang kampuang batanyo dalam hati. Sirong  nan maso mudo  dulu sempat maharuman namo daerah di PON, takah dilupokan sajo dek pamarintah. Tapi kudian urang kampuang maklum sajo. Lah jadi adat di nagari ko,  awak acok lupo maharagoi jariah payah urang lain. 

Bagi Sirong itu juwo ndak masalah. Sajak barangkek payi batandiang, hinggo pulang mambawo mandali. Niatnyo cuma sato sakaki.  Baliau ndak mintak puja puji. Tapi, nan pasti Sirong lah maukia prestasi. 

Tak ado anak kampuang Mak Uniang nan bisa manyamoi. Ijan kan sampai mandapek madali, sato ikuik PON sajo lun ado sasudah Sirong sampai kini. 

Kutiko kisah Sirong disampaian Mak Uniang ka Malanca sudah sumbayang subuah pagi tadi,  Malanca tahanok. Apo lai takalo Mak Uniang batanyo,  apo prestasi nan lah dipabuek dek Malanca. 

"Yo,  ndak ado Mak," jawek Malanca malu malu.

"Itulah waang. Hape ka hape juwo nan bagili. Kalah waang dek Sirong mah," kecek Mak Uniang.

Malanca langsuang manapi.....
by ; Ampera Salim

Chairur itu nama pemberian kedua orangtuanya semenjak kecil. Dalam kesehariannya, sosok Chairur,  dikenal supel dan mudah beradaptasi (kayak bunglon he he) dengan masyarakat. Apalagi kalau lagi banyak uang, semua sahabat yang kebetulan duduk sewarung dengannya selalu ditraktir, tetapi itu cuman katanya wk wk wk.

Semasa di bangku sekolah, Chairur dikenal para guru termasuk anak yang pandai dan cerdas, dan tidak usil kepada teman-temannya. Kenyataan ini dapat dibuktikan Chairur, yang mana dengan terpaksa Ia harus menyelesaikan pendidikannya dengan berpindah pindah sekolah yang ada di Kota Padang.

Dan Alhamdulillah, akhirnya berkat kegigihan dan keprihatinan pihak sekolah, akhirnya Ia berhasil juga menamatkan pendidikannya di salah satu sekolah yang ada di Kota Padang dengan nilai yang sangat-sangat ...(maaf privasi, katanya he he)

Singkat cerita, orang tuanya (karena terlalu sayang) akhirnya menikahkan Chairur dengan gadis pujaannya yang akrab disapa Anna. 

Dari hasil buah cinta perkawinannya bersama Anna selama enam tahun, Ia diberkahi dua orang anak (Alghazi Kenzie -Azkadina Kanzia) yang mungil dan lucu.

Dan untuk membahagiakan orangtua dan keluarga, saat ini Ia tengah menekuni karir di dunia journalist dan di beri amanah menjabat sebagai Pemimpinan Redaksi disalah satu media Siber yang ada di Kota Padang.

Hanya satu motto nya, orang bisa, saya pun juga bisa........



Surau kayu  tu madok matoari tabik, nampak ketek barasiah. Sabalik bapaga rapi jo kayu iduik. Salo salo batu di halaman jinih tak balumuik. Ndak pulo ditumbuhi rumpuik. Kuliliang surau manjadi tabek ikan. Hanyo halaman nan indak diranang aia. 

Pamatang tabek ditumbuhi batang pinang. Di salo salonyo  baliau tanam kacang panjang, lado kutu, taruang,  rimbang, ubi jala, ubi kayu. Bagian halaman, di tapi jalan kalua, ado pulo bingkuang. 

Surau ko dibuek Gaek Malin Saidi. Baliau bana tukangnyo . Baliau pulo nan punyo. Badiri di ateh pusako kaum. Karano tu kini diwarisi  kamanakan baliau. Dihuni santri laki laki Pondok Pasantren Darul Ulum di kampuang Mak Uniang.  

Dulu di siang hari Ungku Malin Saidi,  di surau tu surang sajo. Jangguik baliau panjang mamutiah. Kapalo badeta hitam. Pakai baju kaus putiah, bagalemboang sarawa  silek. Itulah pakaian sahari hari, gaek nan suko mangunyah siriah pinang tu. 

Parintang hari di salo mambaco Qur'an, baliau mamaliaro balam jo katitiran. Tasangkuik di kasau atok surau dakek jandela sabalah kida, arah ka dapua,  sangka balam. Di jandela sabalah suok, arah ka pincuran, sangka katitiran. Di halaman di bawah batang kamuniang,  tapawik ayam jantan kukuak balenggek. 

Surau tu ndak babiliak. Sabalah suok arah maherab ado sabuah tampek tidua kayu. Itulah tampek lalok Malin Saidi. Di kapalo lalok tagak lamari pakaian baliau. Di suduik arah ka dapua, ado kapuak panuah dek padi.  Iko kaceyo Malin Saidi kauntuak bagai bagai kaparaluan. 

Bagian  tangah surau tabantang lapiak sumbayang. Sabalahnyo kalau siang hari kosoang sajo. Tapi takalo malam ado babarapo tamu baliau numpang lalok. Tamasuak anak anak nan lalok sudah mangaji. Antaronyo Bujang,  Simon,  Sisoh,  Emi  jo adiaknyo Indra. Sadonyo baraja mambaco Qur'an  jo Malin Saidi. 

Antah apo sababnyo, sakali pagi pagi anak anak tu  mangapik lapiak surang surang maninggaan surau. Ka Mak Uniang nan sobok di jalan, Simon manyabuik inyo lah baranti mangaji. "Gaek Malin Saidi berang berang malam tadi," kecek Simon. 

Ruponyo sanjo hari,  kasado anak anak tu dianta baliak ka surau dek urang gaek surang surang. Lapiak nan tadi pagi dikapik bawok pulang, kini dijujuang baliak madok ka surau. Mairiang di balakang ayah masiang masiang. 

Pangka mulo mareka tu diusia Gaek Saidi,  karano anak anak ko mambaok kalerang  untuak main. Sudah mangaji manjalang lalok,  bataruah kalereang dalam surau. Samalam duo malam dipalapeh sajo dek gaek tu. Cukuik malam ka tigo,  anak anak kanai pinalti. 

"Kalian kok baraja baampok, bataruah, ijan di surau ko. Surau ko untuak mangaji. Ndak buliah kalian bacurito lain dalam surau ko. Kok ka bicaro main main,  turun ka halaman. Kini kalian baranti mangaji. Bisuak pagi guluang lapiak kalian. Cari tampek mangaji di surau lain," baitu kato putuih dari Gaek Saidi. 

Anak anak tu kini lah gadang gadang. Lah bakapalo limo umua sadonyo. Macam macan pulo profesi mareka ko. Ado pamboroang,  ado pajabat, ado pagawai,  ado anggota dewan. Kacuali Simon nan lah maningga takalo marantau di Kalimantan. 

Suatu kali manjalang sumbayang luhua, di parantauan,  babarapo wukatu lampau, si Emi nan jadi pamboroang, bacurito ka Mak Uniang tantang Gaek Saidi. "Baliau tu hebat. Ndak bagantuang ka urang lain. Makan nasi,  buek samba,  langkok dek baliau surang sajo," kecek Emi. 

Kecek si Emi pulo, dulu tu Ungku Malin Saidi, maaja inyo makan razaki nan halal. Jaleh barasiah asa barang nan ka dimakan. Karano tu nan dimakan baliau hari hari,  hasia tanam surang. Sudah tu Gaek Saidi maingek an,  ijan sakali kali baduto. 

Nasihat Malin Saidi, ka Emi jo kaean kaean, jikok dalam surau jo musajik,  ndak buliah mangecek urusan dunia. Ndak buliah bicaro, salain dari ugamo. Sadang lamak mancaritokan Ungku Malin Saidi, si Emi langsuang tadiam. Ruponyo langkah kaki lah tibo dalam musajik. 

Kisah ko dibukak Mak Uniang ka Malanca sudah sumbayang subuah pagi tadi. Sambia jalan pulang. 

Malanca tapana. Sabab,  salamo ko, baliau hobi carito macan macam dalam musajik......


Sabananyo ko rasio ko mah. Ndak patuik dibaco di nan rami ko. Tapi ba a  dek awak samo awak, biyalah dicuritoan juwo untuak ka dikana kana. 

Ba itu Mak Uniang mamulai kisah di lapau simpang,   sudah sumbayang Isya malam tadi, takalo baliau singgah minun te talua,  buatan Mak Katik. 

Mak Katik lamo di rantau, manampuah nagari urang dari Sabang sampai Maroke. Kini lah tapakua di kampuang, marintang hari manjago anak kamanakan. 

Ndak jauah bedo jo Mak Uniang, nan lah kini pulo manatap di kampuang,  rajin ka musajik. 

Kok,  dulu manga mangecek. Ndak ado bukik nan tenggi, tak ado ngarai nan dalam dek mereka ko. Apo lo kok di nagari urang, banyak caro ka dipabuek. 

Sakali wukatu maso  mudo dulu,  Mak Uniang jo Mak Katik tasampang sasak hiduik. Niat samulo mancaliak lokak baru di Borneo. Ruponyo manyipak coki di babak. Ongkos abih kepeang tandeh. Pulang kosoang garobak tundo. 

Dicubo manjawek upah,  tapi ndak ado nan ka dikakok. Dimintak karajo ka toke,  gadang baban nan ka dikiak. Hati cameh paruik badampuang,  dimuko jaleh kaliatan. Toke langsuang malengah panjang. 

Samantaro paruik kosoang masuak tigo hari. Jikok dinanti sampai bisuak,  langkok ampek hari ndak makan. 

Jikok dituruik katua kasatuan rantau di daerah tu,  bisa sajo lapeh sagalo kandak. Sakadar makan jo ongkos pulang, jaleh aman manampuang tangan. Alun dagang dipabiyia ndak makan, dek dunsanak di parantauan. 

Tapi karano nan baduo ko, sajak ketek pantang mamintak. Kareh hati dipaturuik an. Mako talakik tigo hari tambolok ndak barisi. Hari ka ampek mufakatlah baliau, basudi basiasek,  mancari nasi agak sasuok. 

Ado tampek talowoang di tangah balai,  Mak Uniang duduak baselo. Bapokok jo tangan kosoang, baliau asiak manggili tinju jo tapak tangan. Urang mulai bakarumun,  mancaliak apo nan dilakuan anak mudo tu. 

Takalo karumunan mulai rami,  Mak Katik masuak mintak uruik. Sagalo panjuru badannyo dipiciak piciak. Sagalo sandi dikatuak katuak, dek Mak Uniang. Sudah tu Mak Katik langsuang segar. Muko bakilek,  kapalo tagak. Takah pandeka dapek lawan. 

Mandanga pangakuan Mak Katik sudah diuruik, urang nan mancaliak mintak diuruik pulo. Sagalo nan masuak maningga an syarat,  saukuran limo liter bareh, maso itu. 

Sabulan mamuta dari balai ka balai. Baganti ganti jadi tukang uruik. Saku padek, uncang panuah, pakaian jinih,  badan barisi. Kaduo dagang ko, baliak ka pangkalan asa,  manuju ranah Batawi. 

"Ba itu caro kami malapeh an kabek hiduik maso dulu," kecek Mak Uniang ka anak anak mudo di lapau simpang. 

"Di maa Mak Uniang baraja mauruik jo Mak Katik?" tanyo Malanca. 

"Jikok lah tasasak tu bisa sajonyo Nca. Makonyo cubolah marantau kutiko mudo  ko!" jawek Mak Uniang. 

Malanca maraso... by Ampera Salim


Banyak kajadian maso kini nan ndak masuak diaka maso dulu. Sarupo manalepon di maa sajo wak bisa. Takana jo anak kamanakan di rantau,  bisa mangecek langsuang dari parak. 

Takana lo nak bakumpua jo kawan samo sikola. Bisa dikontak jo hape.  Buek grup alumni. Di maa taragak batamu. Bisa. Malah kok maulang curito lamo, taragak lapeh  di we a.  Sambia duduak mangolai, dapek kaba nan tatulih. Tingga baco sajo.

Indak tuwo indak mudo. Zaman now, sado urang tapakua mancaliak hape. Banyak kalompok. Sabanyak sikola. Sabanyak tampek singgah. Sadonyo mambuek asiak. 

Ndak sakadar itu sajo. Nan ketek kalene heboh jo mainan. Gim tu ndak sudah sudah. Tingkeknyo satinggih langik. Takah tu bana urang lain,  mampadayo anak mudo awak. Abih harinyo jo gim. Lupo maapa palajaran sikola. 

Tipak dek nan tuwo tuwo,  lain pulo dayonyo. Sibuk baandai bakuncindan jo kawan sajawat di hape tu. Mintak batamu bakalompok. Dibuek etongan baru. Dulu kito bakawan,  kini kito badunsanak. Kadang ado pulo nan dusanak pulang ka bako. 

Ado lo kalompok salingka aua, sakampuang sa nagari. Balimpik limpik ando manyumando,  ipa bisan,  dalam grup tu. Kadang ado lo nan singkek pangana. Sumbarang taosok. Sadonyo basabuik,  bakaluakan curito nan ndak patuik dibaco urang sumando. 

Dek karano ikolah Mak Uniang ndak sato sato, bakalompok kalompok tu. Lai pulo baliau ba hape. Tapi cuma untuak mancaliak pangajian jo barita. 

Kok ado sobok jo Malanca sudah sumbayang limo wukatu di musajik. Kutiko itulah Mak Uniang dapek kaba baru. 

Malanca ndak baranjak dari hape. Lalok jo hape, makan caliak hape, duduak jo hape. Sadang sumbayang hape di saku juwo. Lah tagang jari dek hape. Cuma mandi nan ndak macik hape. 

"Mak Uniang kan lai ba hape mah. Caliak sagalo info di sinan.  Ko ka waden juwo batanyo an, " jawek Malanca kutiko Mak Uniang batanyo isu tarbaru, sudah sumbayang subuah,  pagi tadi. 

"Kan lai ado waang mah. Nan takun mancaliak hape. Manakua sapanjang jalan ka hape. Tu mangko ka waang waden tanyo," baleh Mak Uniang. 

Malanca ndak dapek jawek.... (Ampera Salim)


Pakaro rasaki,  kecek Mak Uniang di musajik,  wukatu wirik mugarik,  malam kapatang, alah tauntuak surang surang. Ndak paralu mancari pitih ko jo caro galia, maniayo urang. Baluruih luruih sajo wak,  kadapek juwo sabanyak nan  itu nyo.

"Kalusuak panja banah lah awak mampadayo urang lain,  nan rasaki awak tatap sajo sasuai kahandak Allah Ta'ala. Luruih luruih,  babana bana sajo wak bausaho,  suai katantuan jo aturan,  nan karasaki awak, tatap sajo sabanyak takaran."

Kalau basiluruih,  ndak  manyimpang dari aturan ugamo,  mako usaho kito dapek pahalo.  Tapi kok ndak suai jo katantuan Allah Ta'ala, mako usaho kito babuah doso.  Sagalo sasuatu dibuek jo doso, pasti ndak barakat," jaleh Mak Uniang takah guru gadang bapaham dalam.

Sabananyo Mak Uniang ko,  indak tukang caramah bagai doh.  Tapi karano ustad ndak bisa datang maagiah pangajian,  mako salaku katua panguruih,  Mak Uniang didaulat jamaah  manyampai sapatah duo patah pangajian. "Jadih molah.  Kacalak ganti asah,  mananti tukang alun tibo,  kecek Mak Uniang," manjawek kahandak urang rami.

Mak Uniang bakisah tantang Labai Rasua. Kadang dulu tu,  maso Mak Uniang ketek ketek,  dipanggia urang Rasua Labai. Labai ko saisuak,  tamasuak urang siak kampuang. Badannyo ketek,  bajangguik mamutiah,  labiah saganggam. Kupiayahnyo itam,  latak  teleang saaingin. Baliau bajalan manakua nakua, bakain saruang jo baju koko. Salamiri mambaluik lihia. Bakaco mato baloji tangan. Tarompa kulik kaloh.

Satiok saku barisi pitih.  Dalam kalipek kupiah ado pitih. Kadang pitih bacampua jo tambakau, daun anau dalam uncang, nan dipacik jo tangan kida.  Sabab,  tangan suok untuak manarimo salam dari anak anak kok sobok di jalan.

Dicaliak ka usaho,  kecek Mak Uniang,  Labai ko ndak punyo sawah ladang,  ndak punyo tabek ikan, ndak pulo manggaleh kadai,  ndak pulo karajo kantua atau pansiunan. "Ba a mangko pitihnyo tatap banyak.  Ado sae rasakinyo mangalia takah aia ujan?" tanyo Mak Uniang.

Kecek Mak Uniang pulo,  manjawek tanyo inyo surang,  Ungku Labai murah rasaki mungkin karano inyo urang siak,  elok laku. Panyaba,  pamurah,  banyak sadakah. Suko manoloang. "Baliau manoloang urang ikhlas sajo. Kok ado anak nagari,  nan ka baduwah,  mako imbau sajo Ungku Labai.  Tamasuak ambo, acok mamanggia Labai Rasua takalo ado di rumah gaek  kanduri," jaleh Mak Uniang.

Kabatulan surau Ungku Labai,  dakek rumah Mak Uniang. Dunsanak Mak Uniang banyak pulo mansaduoi jawih Ungku Labai.  Mak Uniang sangajo ndak manyabuik Labai ko jawihnyo baserak.

"Kain bajunyo baru. Pitih bakurapa dalam uncang. Tarompa rancak,  tambah loji jam di tangan.  Sadonyo maha. Banyak anak nagari manyalang pitih ka Labai Rasua takalo tasasak," jaleh Mak Uniang.

"Ba a mangko bisa takah itu, Mak?" tanyo Malanca nan sato  mandanga caramah.

"Labai ko,  sumbayangnyo tapek di awa wukatu,  bajamaah di musajik.  Sudah tu inyo panyaba,  ndak banyak gadele,  luruih luruih sajo, " jawek Mak Uniang.

"Tapi ado lo urang jo gadele manyari pitih.  Banyak juwo pitihnyo Mak. Takah urang urang gadang mangadele  katepe. Kayo kayo urang urang tu Mak," jaleh Malanca.

Kecek Mak Uniang sambia galak sengeang,  "Ndak barakat doh Malanca jikok nyari pitih tu ndak baluruih luruih. Walau baluik bana, ndak bisa dicakau.  Lapeh tiok ditangkok.  Akia hiduik urang takah itu,  pasti sansai juwo."

"Mak Uniang kan lai pulo sumbayang tapek wukatu, bajamaah bagai mah.  Ba a kok ndak kayo kayo Mak Uniang?" tanyo Malanca takah macameeh.

"Sia mangecek an waden ndak kayo? Angok waang waden bali mah!" jawek Mak Uniang tabik suga. "Jawih waden banyak lo nyo," sambuang Mak Uniang.

"Mak Uniang parabo mah.  Makonyo Mak Uniang ndak amuah kayo," baleh Malanca sambia mambaliak kaji nan dibaco Mak Uniang tadi.

"Astagfirullah. Iyo Nca,  waden darah tenggih. Ciek lai waden suko lo mangadele,  satiok urang duduak di kadai waden gadele.  Pokoknyo maa nan bisa waden gadele, kanai mah," jawek Mak Uniang sambia sanyum manutuik caramah.

Malanca galak bagumam. Jamaah lain geleang kapalo...

Penulis : AmperA Salim

Lalok sakalok barasian. Tagamang tasintak tidua. Taampeh tangan ka lantai. Diresek tapi kain, mimpi lanyok sakatiko. Sapanjang jalan Malanca bapikia kareh, apokoh nan ka tajadi?

Dalam mimpi Malanca sobok jo Garundang anak Malinkundang. Kecek si Garundang, ayahnyo dulu tu, ndak durako bagai doh. Urang sakuliliang nan manuduah apaknyo durako. 

"Baliau dizolimi. Sado urang manunjuak bibia baliau. Sudah tu tangan apak ambo dikabek. Sampai mati tak ado nan mambela. Iko sajarah musti kito luruihan," kecek Garundang mandareh.

Malanca, tananang mandanga Garundang, nan nampak takah bayobana.

"Jadi ba a nan sabananyo Garundang? Jalehan lah ka waden, supayo bisa lo waden sampaian ka kawan kawan, " tanyo Malanca.

Si Garundang mamulai curito. "Apak ambo dulu tu payi marantau sudah sunat rasu. Inyo balayia sampai ka nagari jauah. Lamo bainduak samang ka Mak Lanin tukang buek sumbu kompor.

Labiah kurang ampek puluah tahun di nagari urang, sakali wukatu inyo pulang kampuang mambaok ambo jo amak ambo.

Tibo di halaman, nampak rumah gadang lah runtuah. Apak ambo manangih maimbau amaknyo.

Sudah tu, kalua surang padusi dalam gubuak ketek, nan lah bungkuak dimakan umua. Amak tuo tu mangaku apak ambo anaknyo. Dipaguiknyo apak ambo. Apak ambo mailak.

Apak ambo ndak mangaku urang gaek mumuak tu amaknyo. Sabab amaknyo dulu rancak ruponyo. Ba a kok kini tibo tibo urang tuo lapuak tu mangaku ngaku jadi amaknyo.

Urang gaek tu manangih mangungu ngungu. Apak ambo tatap ndak mangaku itu amaknyo. Urang gaek tu tatap sajo manggaragai. Apak ambo tabik suga. Disipaknyo amak gaek tu.

Sajak tu urang kuliliang manuduah apak ambo durako. Padohal inyo hanyo lupo, baso urang gaek tu yo bana amaknyo nan rancak dulu tu, tapi lah lapuak dimakan umua," jaleh Garundang badalia panjang leba.

Tambah lo, kecek Garundang, apaknyo dituduah jadi batu. "Padohal cuma jadi kurapa. Nan batu tu kan hitam. Mayik apak ambo kuniang amba, sarupo dindiang ngarai, " bela Garundang.

Malam tadi sudah sumbayang Isya di Musajik Munawarah, Curito Garundang ko disampaian Malanca ka Mak Uniang.

"Ba a lai tu Mak Uniang. Garundang mangecek dalam mimpi jo ambo, apaknyo dizolimi," kecek Malanca.

"Pabia se lah Nca. Mimpi tu bungo lalok mah. Ijan tarok yobana pulo lai. Dunie ko cuma samantaronyo. Ama ibadah sajolah pa banyak," jawek Mak Uniang takaja pulang, sambia masang tarampa.
Malanca tapana....
Penulis Ampera Salim

Jikok diinok dimanuangkan, diagak dikanang kanang, urang awak ko yo bana suko barundiang manyari kato sapakat. Mulai masalah remeh temeh sampai ka masalah sagadang gunuang.

Apo lai taradok pamilihan ciek antaro duo, mako musyawarah tatap dikamukokan mambiak kato putuih.
Sarupo Kamih kapatang, sudah sumbayang luhua, tajadi adu pandapek di rumah gadang manantuan, cap, gambar nan kadipakai untuak manapati hari urang surek kaba. HPN bahaso anak nagari. Hari Pers Nasional kapanjangannyo.

Sajak awa tahun lalu, lah banyak usua pandapek nan mantakan gambar untuak kaditatapkan jadi gambar, logo atau maskot kecek urang kini.

Ado nan mausua gambar kabau, ado kudo, ado lo kancia, malah ado pulo nan mintak itiak sarati. Tapi kutiko lah diindang ditampi tareh, lah dipiliah atah ciek ciek, mako kudian inyiak panitia mamiliah duo gambar sajo, yaitu gambar ayam kukuak balenggek jo gambar buruang kuwau.

Bunyi katarangan, kecek Datuak Heranof pucuak pimpinan urang surek kaba, nan tampak khusuak bana mimpin sidang, gambar ayam kukuak balenggek ko diusua dek Datuak Awi dari kaum urang surek kaba sandiri.

Samantaro gambar kuwau diusua dek Datuak Kulin nan anak kamanakan urang rumah gadang.

Alasan Datuak Awi mamiliah ayam kukuak balenggek, karano ayam kukuak balenggek ko haragonyo maha. Urang mamandang suaronyo nan rancak. Dek karano kukuaknyo tu urang tatariak. Biyalah tabali maha.

"Takah tu juwo urang surek kaba. Inyo disagani urang karano suaronyo, tulisannyo. Indak dek karano pangka langannyo nan gadang," kecek Datuak Awi maagiah alasan.

Samantaro Datuak Kulin mamiliah buruang kuwau, karano buruang kuwau ko kini lah sarik basuo. Padohal buruang kuwau ko badiam di bukik barisan nan tabantang di ranah bundo. Kuwau ko tahu bana maagiah padoman takalo ka tajadinyo bancano.

"Duo hari gampo ka tajadi, buruang kuwau lah tahu mah. Ba itu bana santiangnyo kuwau ko," kecek Kulin mampatagak usua.

Datuak Khairul nan dimintak pandapeknyo dek urang banyak, mamuji alasan nan dikamukoan Datuak Awi. Tapi jikok ka mamiliah, kecek baliau tu, inyo tatap mamiliah kuwau.

"Ayam kukuak balenggek tu yo maha. Jikok disamoan ka urang surek kaba, yo tapek bana urang nan diharagoi yo kato katonyo, jo tulisannyo. Tapi ba a ka ba a, buruang kuwau ko pandai maagiah tahu musibah nan ka tajadi. Karano tu ambo mamiliah kuwau," keceknyo. Urang batapuak sabalik. Datuak Awi mangamek. Datuak Kulin tasanyum.

Dalam musyawarah nan balansuang arek arek lungga, ado lo pandapek dari Datuak Eko. Kecek baliau ko, antaro ayam kukuak balenggek jo buruang kuwau, samo samo rancak. Ado kalibahan masiang masiang.

Cuma, kecek Datuak Eko, kok ka dibuek untuak logo, mako bueklah nan agak lawak gambarnyo tu. "Ijan takasan tagang. Kaku. Samantaro salamoko dima sajo, apo sajo gambar maskot tu, tatap agak lawak nampaknyo," saran Datuak nan juwo urang surek kaba tu.

Jikok dirantang amuah panjang, mako dipunta nak nyo singkek. Akianyo disarahan ka pucuak pimpinan rumah gadang salaku silang nan bapangka karajo nan bapokok, untuak mamiliah satu antaro duo.

Kecek urang rumah gadang, samo jo Datuak Eko. Kaduo duonyo, antaro ayam kukuak balenggek jo kuwau samo samo rancak. Hanyo sajo, tasabab nan kadipiliah cuma ciek tando gambar, mako baliau mamutuihkan buruang kuwau.

Kajadian musyawarah ko dicaritoan Malanca ka Mak Uniang pagi tadi, sudah sumbayang subuah di musajik bawah.

"Buruang kuwau nan tapiliah Mak Uniang. Ambo lun ado mancaliak kuwau ko tabang lai Mak. Nan kadok ambo danga kukuak ayam balenggek nyo," kecek Malanca manutuik curito.

"Kuwau tu, kadok sobok dek urang paburu mah, Malanca. Sabab iduiknyo di rimbo," jawek Mak Uniang.

Malanca tamanuang, apo mukasuik kecek Mak Uniang...

Babagai caro induak samang mamulie an si Pekok. Dipuji puji bakatarangan. Dianjuang satenggih langik. Dimandikan jo bungo rampai. Ditinggihan jo balon bagai. Tapi hasianyo ndak barubah cepuk diabuih. Pekok tatap sajo hino.

Kini Pekok lah pindah lalok. Majilih Karapatan mamutuih Pekok basalah. Kecek Katua Majilih si Pekok bukan korban kebatilan, sarupo dituduahkan dek mukaluak gantayangan. Tapi si Pekok biang kerok kaributan dalam kampuang.

Pituah Ungku Majilih mangecek an, Pekok sacaro sah mayakinkan babuek salah. Inyo malangga aturan, karano tu langsuang dikabek sasuai jo undang nan duo puluah. Sajak itu Pekok tamasuak urang tapijak arang. Tapak kakinyo lah hitam.

Kok caro dahulu, dirantai batih Pekok, disuruah karajo rodi. Tapi, kini alam lah barubah. Apo lai untuak Pekok, alam basahabat bana. Caliak sajo minun makannyo takalo kamasuak kandang baru. Ado aia kamasan jo kacang tojin. Indak itu sajo doh sanak. Tibo pulo urang tenggih pangkek mangawaninyo duduak mamatangan hari.

Limbak nan dari pado itu. Di jalanan urang suruhan Pekok makiak makiak. Sasuai pasanan induak samang, mukaluak ko mahariak hariak an, Pekok ndak basalah. Sungguah pun bakilah bana urang suruhan mangecek baso Pekok tapijak tapuang, Ungku Ungku Majilih ndak bisa diota.

Baliau nan jadi juri tu urang pilihan. Ndak bisa dibawok baganjua, basudi basiasek. Dek baliau tu tabujua lalu tabulintang patah. Nan bungkuak musti dimakan saruang. Sadang bak kini dalam iduik banagari, Majilih Karapatan, jadi kabanggaan dek urang kampuang.

Sudah mandanga kaputusan Ungku Majilih, anak sian Pekok nan samulo manari nari kagirangan, langsuang pinsan. Ado lo takah urang kamasukan. Tapi sadonyo tu, cuma sandiwara. Ndak ado gai nan ikhlas takah anak anak surau nan baujan bapaneh jalan kaki payi sumbayang bajamaah.

Anak sian Pekok barabuik mambiak makanan. Mambuang sarok sambarangan. Kudian lah panek batanggang, dapek sangu ciekpiyah limobilih. Manjinjiang kantoang asoi pulo, baok baka pulang ka rumah.

Samantaro itu. Tipak kabakeh diri Inggih. Mandanga pawarihnyo lah pindah tampek tingga, Mak Inggih nan salamoko sayang ka Pekok, kini mulai jago jarak.

"Kito caliak sajolah ba a pakambangannyo. Satantang pituah Ungku Majilih, tantu awak ndak buliah pulo ikuik campua. Kini kok ka manampuah jalan sasuai aturan, kito sarahan sajolah ka Pekok," kecek Mak Inggih nan sadang main sepeda di buncak bukik.

Adolo nan ganjia. Anak sian Pekok maupek Mak Inggih di nan rami. Keceknyo Mak Inggih ko ndak pandai mamimpin. "Tanyato kapamimpinan Mak Inggih labiah buruak pado nan dahulu," kecek anak sian Pekok jo suaro kareh mancaraco. Kudian anak sian nan lain, marabuik pangareh suaro. Paja ko langsuang baranti baorasi.

Curito ko, tajadi di kampuang subarang, dulu maso bagolak. Kutiko diulang Mak Uniang di lapau simpang, manjalang mugarik, Raba ah kapatang, banyak urang tacangang. Tamasuak Malanca.

"Ba a lo bisa takah tu, Mak Uniang. Anak buah Pekok maupek Mak Inggih. Padohal Mak Inggih tu mamak kanduang si Pekok?" tanyo Malanca.

"Yo, Nca. Baitulah kalau karajo diupahan ndak ka ahlinyo," jawek Mak Uniang santai...

Disangko paneh sampai patang, kironyo ujan tangah hari. Baitu lah nasip si Pekok kamanakan Mak Inggih, anak samang Etek Baya. Manuruik curito Mak Uniang di lapau simpang, kutiko maso bagolak dulu, si Pekok kalah batandiang main catua harimau.

Samulo Etek Baya baharok bana Pekok manang. Karano tu Mak Inggih nan jadi kapalo kampuang diasuang untuak mandukuang. Ruponyo manyipak coki di babak. Babaliak awa panabangan, Pekok takongkang.

ilustrasi foto google
Basabab, Pekok ka kalah, curito Mak Uniang, karano ulah muncuang cipeh inyo juwo. Dahulu lah saelok eloknyo Pekok ko dek urang kampuang. Banyak juwo urang sayang ka inyo. Satiok main inyo diagiah manang.

Sakali wukatu, Pekok talompek kato. "Indak ado nan bisa mangalahan waden main di nagari ko doh. Induak samang waden urang kayo. Mamak waden kapalo kampuang. Waden pasti manang main catua di nagari ko," kecek Pekok mahantak maajan tuah di muko urang rami, tamasuak Inyiak Labai.

Ndak sakadar itu sajo doh, Pekok juwo mahariak hariak, manggaretak Inyiak Labai jo suaro kareh.

Kaba Pekok mangato-ngatoi Inyiak ko, bateba di nagari. Mako, sajak itu, banyak anak nagari banci ka Pekok. Inyo dicarian lawan tandiang nan diateh saranting kapandaiannyo. Supayo Pekok kalah.

Kutiko mandapek lawan barek ko, Pekok mulai ilang aka. Inyo tambah panik karano nan manonton banyak baduwah supayo Pekok tambin.

Ndak dapek malawan Pekok dibuek kawan tu. Satiok digarik, buah mati. Lah bamacam caro dilakukan. Babagai teori dipabuek. Tatap sajo tasumbek palangkahan. Akianyo, Pekok manyarah manjalang sanjo.

Bungo rampai jo kambang tujuah rupo lah tapasan. Mukasuik hati, jikok jadi Pekok manang, inyo langsuang diangkek gala tuanku. Dimandikan jo bungo tujuah tangkai.

Tapi, ba a lah, ka manyabuik. Indak dapek sarampang padi, batuang dibalah ka paragu. Indak lah dapek sakahandak hati, kahandak Tuhan juwo nan balaku. Daripado bungo tabuang pacuma, rancaklah di kaka di balai adat. Kok lai ka harum juwo namo Pekok.

Ateh parintah induak samang, mako batebakan lah kambang tujuah rupo tu di balai balai. Kapa ubek hati nan luko, disabuik an ka Pekok, bahaso ikolah tando cinto anak nagari ka bakeh dirinyo.

"Bilo bayia pitih bungo ko Tek?" tanyo amak nan manggaleh bungo ka Induak samang Pekok.

"Jamua sajolah lah dulu. Nan paralu kawu katoan ka urang urang, bungo ko dipasan anak nagari nan sayang ka Pekok yo," jawek Etek Baya jo suaro parau, sambia manyeka aia mato jo ujuang langan baju.

Takalo Mak Uniang maulang curito ko di lapau simpang, sudah sumbayang asa Raba ah kapatang, macam macam analisa urang tantang Pekok. Tamasuak Malanca, manarawang.

"Ibo wak Pekok. Lah takah anak anak inyo," bisiak Malanca sambia taruih mandanga curito Mak Uniang...

Hari tu, main domino di lapau simpang, balak si Pekok takapik. Batu sianam lah turun limo, di ateh tangan lawan manutuik. Akianyo balak anam mati. Pekok manambah angko kamanangan lawan.

Pekok mintak dikocok ulang. Inset ditambah, mandan dituka. Tapi Sutan Samparono nan punyo kadai, mintak main ditaruih an.

Pekok mulai ilang aka, di muko urang banyak inyo marabo ka Inyiak Labai untuak manutuik malu.

"Iko ulah Inyiak, nan mambuek padan jo Gamuak. Sainggo bisiak Inyiak barangin dek lawan waden. Kok kalah waden main beko, awas inyiak!" ancam Pekok ka Inyiak Labai nan kabatulan singgah mancaliak Pekok main.

Mandanga buah tutua nan bakaleperan, Inyiak Labai urang tuo nan saba lilah, galak tasanyum. Biyalah Pekok mangareh takah pareman tuak, Inyiak damai sajo. Ndak sapatah baliau mambaleh.

Dalam hati, Inyiak mungkin manilai, Pekok ko baru anak joloang gadang. Karano tu apo bana nan disabuiknyo dianggap angin lalu sajo.

"Kini waden mintak Inyiak jujur ka waden. Yo ado Inyiak babisiak jo Gamuak?" tanyo Pekok jo muko sirah.

"Indak," jawek Inyiak jo suaro lunak. Nan sanyum tatap sajo tapanca di bibia Inyiak.
Pekok makin manjadi. "Macam macam Inyiak jo waden cubolah. Isuak ka tahu juwonyo, Inyiak, sia waden ko," garegak Pekok takah mahariak mahantam tanah.

Inyiak Labai tatap sajo sanyum jo muko barasiah. Maklum sajo baliau ko tasabuik urang siak ba ilemu tenggi, ba alam leba, ba padang lapang. Lagaknyo takah urang darai sajo. Kama payi bakain saruang, basahan di tangan kida, tasabiah tapacik di tangan suok. Pekok manyangko Inyiak bisa dimakan jo garetak.
Kudian kutiko manjalang sumbayang mugarik. Pekok pucek pasi. Pangka bala ulu curito, si Malano maagiah tahu ka Pekok, baso Inyiak Labai urang tapandang di nagari.

"Waang lah lamo iduik di nagari ko. Tapi ndak tantu dek waang Inyiak Labai tu pangkeknyo Mualim sacaro adat. Kok ado karajo ka dikakok, mako Ungku Palo basaru dulu ka inyo. Ba itu caro adat kami di nagari ko," kecek Malano mambari tahu Pekok.

"Yo, ba a lai Ungku Malano, waden ndak paham caro adat ko doh. Waden ndak baraja sajak ketek. Kecek waden tadi Inyiak Labai tu, pakiah pakiah biaso sajo," jawek Pekok.

"Kini lah rusak ubungan baik waden jo Inyiak ulah dek waang. Mantang mantang wak bakawan arek, waang ciriti sajo kapalo waden. Kok ndak sagan manyagan lah waden tumbuak muncuang cipeh waang tu mah," kecek Malano sambia maampeh an tekoang kanso ka batu janjang, malapeh rabo.

Pekok maretek mancaliak tekoang nan lah penyok. Sambia manangih ma ibo ibo Pekok mintak Ungku Malano mintaan maohnyo ka Inyiak Labai. "Kok ba a kacaronyo lah Ungku. Pandai Ungku sajolah. Sampai an maoh ambo yo Ngku," sada Pekok sambia macik kaki Malano.

Carito ko tajadi dulu di musim bagolak. Maso Mak Uniang mudo matah. Kini mangana kisah nan lamo, sambia jalan pulang, sudah sumbayang isya di Musajik Tawakal, malam kapatang, disampaian Mak Uniang ka Malanca, supayo dapek dipadomani.

Malanca manarawang. Inyo bapikia, apo mukasuik Mak Uniang bacurito...

Dulu kutiko Malanca kanak kanak, ado curito urang kiramat nan bisa pindah pindah tampek dalam wukatu nan samo.

Bunyi carito nan bakambang, sadang bacukua urang kiramat tu, bisa manoloang kapa nan sadang tabaka di tangah lawik. Ado lo carito nan lain, urang tu bisa pulo manoloang urang tabanam di batang aia gadang.

Carito ko yo takah saiah bana, sabab dalam kaba dari muncuang ka muncuang, jaleh bana urang kiramat tu kapalonyo baru tacua sabalah. Tambah pulo bunyi hikayat, sadang bacukua manyudahan kapo nan sabalah lai, taraso dek tukang cukua baso kain salimuk cukua tu basah tarandam aia.

"Dari maa Ungko santa ko Ungku," tanyo tukang cukua.

"Sudah manoloang urang hampia tabanam. Sudah tu singgah lo manyiram kapa tabaka di tangah lawik," jawek urang kiramat. Takah tu bana bunyi carito nan tateba di tangah kampuang. Malanca, tacangang pulo mandanga carito nangko.

Suatu hari, nyo tanyo ka ayahnyo dek Malanca. "Yo ado urang kiramat nan sadang bacukua, bisa mamadam kapa tabaka di tangah lawik, sudah tu manoloang urang ampia tabanam pulo di batang aia, yah?" tanyo Malanca.

"Mungkin yo ado," jawek ayah Malanca.

"Urang maa Ungku kiramat tu yah?" sambuang Malanca.

"Antah lah yo. Awak mandanga kaba kaba angin sajonyo," jawek Ayah.

"Ba a kok bisa ado carito takah itu yah," sasak Malanca.

"Carito ko ado, kan dek dibuek tukang carito," jawek ayah Malanca.

Duo hari nan lapeh, Malanca mandanga ado lo carito sarupo Ungku bacukua sabalah nan kiramat dulu tu. Bisa pulo urang ko disabuik tatangkok tangan tampeknyo beda beda.

Ado nan manyabuik di kamar tampek lalok. Ado lo inyo sobok di pasa tampek balanjo. Ado lo sadang di taman sadang main main.

Untuak mancari ba a curito, di maa tampek nan sabananyo, Malanca batanyo ka Mak Uniang sapulang musajik, sudah sumbayang Subuah pagi tadi.

"Di maa tampek sabananyo urang awak nan tatangkok tangan tu Mak Uniang. Tateba bana baritonyo sapanuah nagari ?" tanyo Malanca.

"Ndak tantu pulo dek waden do Malanca. Banyak na kaba nan dibuek buek urang kini. Sainggo waden lah maleh mandanga," jawek Mak Uniang.

"Ndak ado Mak Uniang caliak di Fesbuk, jo we a, tuwiter sarato instagram bagai? Yo lah katinggalan jaman Mak Uniang mah. Ambo punyo sadonyo tu Mak," panciang Malanca.

"Biyalah Nca. Waden ko urang bodoh. Ndak tahu manahu jo gunjiang nan bakaleperan. Biyalah waden baco kitab sajo, bisa duo, tugo juz sahari. Nan iko pasti arati jo maknanyo. Bapahalo wak mambaco," jawek Mak Uniang data.

Samantaro Malanca tatunduak. Sabab, hari harinyo abih dek mancaliak hape, kotak kaco, tampek kaba nan indak bakasudahan jo gunjiang nan bakapanjangan....

Sadang lamak minun kawa sudah sumbayang asa hari kapatang. Tibo pasan di WA Mak Uniang. Ruponyo dari Malanca Malin Tuah.

"Iko kawan batanyo Mak. Untuang kok lai kito nan mamakai adat amuah manjawek tanyo kawan ko. Ba iko tanyo baliau:

Manuruik adat awak ko, kok maimbau urang ba a tapak tangan awak, manungkuik atau manilantang?

Ba itu juwo kok maituang jo jari tangan dari maa kito muloi, dari ampu atau dari kalingkiang?

Sudah tu kok mambukak polam/mangga dari maa lo awak mulai, dari tampuak atau dari ikua mangga tuu?

Kok makan di rumah, ba a pulo caronyo, duduak di lapiak atau di kurisi?
Kok minum aia, ba a pulo eloknyo, jo tangan suok atau tangan kida?
Kok sumbayang di maa ancaknyo, di musajik atau di rumah?
Kok makan jo sumando, siapo nan dulu masuah tangan. Awak atau sumando?
Kok makan pisang di alek rami, baa caro makannyo? Patah tigo atau patah ampek?
Kok baralek awak, apo buliah manutuik jalan di muko rumah?
Kok bazakat ba a lazimnyo, ka urang tadakek awak atau ka baznas?
Kok naiak haji, ba a pulo eloknyo, kutiko mudo atau kutiko lah tuwo?
Kok macet di jalan, apokoh awak musti antri di kiri, atau taruih sajo ambiak jalan kanan?

Toloanglah dek mamak mambari jawek. Kato kawan ko, katarangan dari mamak, ka dipakai dalam iduik sahari hari. Siang ka dipatungkek, malam dijadikan pusuang. Tarimokasih dari baliau."

Mancaliak tanyo Malanca sapanjang tali baruak. Mako Mak Uniang ndak mambaleh. Inyo anok sajo.

Sudah tu Malanca Manalepon. "Halo Mak. Mak Uniang ko. Layi sampai pasan ambo. Ko kawan batanyo bana mah Mak!" saru Malanca.

"Yo, Nca. Banyak na nan waang tanyoan mah. Bisuak lah waden jawek yo. Ko kami ka ba domono di lapau simpang haa," jawek Mak Uniang.

"Ko masalah adat ko Mak. Paralu lo dek amak main domino pado managaan adat tu?" tanyo Malanca manajam.

"Eee Malanca. Duduak di lapau ko, baradat juwo ko mah Nca. Jan salah salah waang," jawek Mak Uniang berang.

Samantaro Malanca tangango....

Lain bangkaulu, lain pulo batawi. Lain maso daulu, lain pulo maso kini. Daulu saliang sengau manyengau, bari mambari. Kini saliang bakirin poto, sarato mangecek puja jo puji.

Samaso Malanca kanak kanak, di taun 70-an, bajalan di lereang pandakian jo ayahnyo. Nampak urang padusi mambaok rantang manjinjiang jo tangan kida. Samantaro anak ketek dipacik amaknyo jo tangan suok.

"Kamaa kawu Roih?" tanyo ayah Malanca.

"Ka baruah Ungku. Lah lamo ndak sobok jo Mak Aciak. Apak si Tini, manyuruah caliak," jawek si Roih nan mambimbiang si Tini.

Aciak nan nyo mukasuik tu, mamak dek ayah Tini, suami si Roih. Samantaro isi rantang nan dijinjiang, buah tangan ka rumah urang. Nan biaso isinyo makanan. Bisa gulai samba, bisa juwo kolak. Pokoknyo makanan.

Beko, kutiko ka pulang, isi rantang si Roih, batuka jo bareh sipuluik, pokat, limau, atau barupo pambarian lain dari kaluarga anak rumak Mak Aciak.

Ba itu caro urang dahulu manjalin hubungan baiak, jo karik karabat, handai tolan, sanak sudaro.

Adapun si Tini ketek mako dibawo, supayo urang lain tahu baso si Roih lah punyo anak. Urang bisa mancaliak rupo wajah Tini di liku kelok jalan atau di simpang dakek lapau.

Itu dahulu kawan! Kini musim barubah, tahun lah baganti. Keceknyo maso sakarang zaman mode. Caliak mancaliak rupo muko, batanyo ba a kaadaan, cukuik jo hape sajo. Pakaro samba jo kolak, kirim sajo gambar gambar.

Karano tu raso pareso lah habih. Sagan manyagan lah puda, harago maragoi lah tamat. Ibarat kaji lah bakhatam, mako kitab ndak paralo dibukak layi.

Apo nan tajadi di badan diri, maso kini, kaluah an sajo di hape. Beko banyak kawan nan maagiah saran. Pendeknyo, kok sakik sanang, agiah tahu sajolah urang rami. Supayo mintak dipuji jo mintak duwah.

Dek karano iko pulo, Malanca mintak sipat ka Mak Uniang sudah sumbayang Subuah bajamaah, di musajik bawah, pagi tadi.

"Apo nan tajadi ko Mak, kini lah kurang awak saliang manjalang, babagi makanan surupo dulu," tanyo Malanca.

"Yo, lah itu pulo masonyo kini Malanca. Zaman ka taruih sajo barubah. Kini awak sajolah nan arih," jawek Mak Uniang.

"Ba a, mukasuik nyo Mak?" Malanca kurang paham.

"Kito turuik an sajolah caro baugamo. Ba a caro iduik ko manuruik ugamo kito. Umpamo yo, kok macik hape bana awak satiok hari, nan awak ndak buliah bagunjiang, bukak aib urang lain, ndak buliah ria, pamer, ndak buliah somboang, takabua," jawek Mak Mak Uniang alakadar sajo. 

Malanca tamanuang, sabab inyo suko lo pamer rupo mintak dipuji, selpi kecek urang kini...

Author Name

Formulir Kontak

Name

Email *

Message *

Powered by Blogger.