Rapek Mancik


KOK dapek jaan bantuak rapek mancik, katiko bakumpua sagalo caro untuak mangatasi kaganasan kuciang kalua, antah iyo antah indak, namun carito ko alah marakyat diranah minang, katiko saikua kuciang mangacau di kerajaaan mancik, ulah kuciang alah mambuek panik rajo mancik. Rajo mancik turunkan titah pendekar-pendekar mancik nan tangguh-tanguh untuk mahadoik kucing nan mangganas, pendek kaji, segalo pandeka mancik indak mampu mahadoi kucing.

Untuk mahadokan marabahaya nan ditimbuakan kuncingtu, tapaso rajo mancik mahadoan rapek, dalam rapek tu bamunculan ide untuak mangatasi keganasan kuciang,   dari sekian usul nan muncul ado salah satu ide nan ditarimo dek rajo mancik, karano idenyo sangat rancak bana.

Tapi katiko nan punyo ide diagiah tanggung jawab untuk melaksanakannyo, inyo indak pulo mampu, alias (kuncun ikuenye kecek rang piaman), karano nan mambuek ide tu indak bapikie baik buruaknyo.

Pambaco ingin tahu ide nan ditarimo dek rajo manciktu ?, “ Ide nan ditarimo dek rajo mancik, supayo kuciang indak bisa mamakan bangsa mancik, lihie kuciang diagiah baganto, katiko kuciang maintai-intai  untuak manangkok kito, kito alah tahu”, kecek mancik nan punyo ide.  

Setelah dipaiyoan, kue dilatakkan katangah, sia nan ka mamasang ganto dilihie kuciang, mancik-mancik nan hadir dalam rapektu, indak ado nan  barani mamasang ganto dilihie kucing, tamasuak dubalang rajo mancik juo indak barani, bahkan rajo mancik nan bakuaso katiko itu, ndak juo barani mamasangkannyo. 

“Ibarat bajalan, kalau sasek diujuang, jalan baliak kapangka,”. Baitu pulo dengan rapektu, tantu pokok persoalan dibaliak kan nan punyo ide. “Kalau itu, ambo ndak talap do rajo, kalau ambo talap rancak ambo surangse yang bakarajo, sahinggo rapek mancikko indak ado kaputusan. Sampai kini, mancik tatap manjadi santapan kucing dek ide untuak mamasang ganto dilihie kucing gagal.*

Post a Comment

Previous Post Next Post