Penulis : Nofri Hendri

Atuik jo Udin, sadang maota masalah Caleg di Lapau.

Kaduo urang sok tahu ko, sadang maotaan Caleg buto IT.

Atuik : Udin, den calik kini ko, medsos jadi tampek dek sosialisasi dan selfie para Caleg.

Udin : Yo Atuik, lah babagai gaya dibuek, selfie bak artis kehilangan pentas, status bantuak politikus santiang.

Atuik : Tapi, Udin, adoh juo Caleg wak yang buto IT. FB ndak bisa, BBM ndak pandai, WA lai adoh jarang dipakai.
Sakali sakali buek status, kata katanyo baserak, kalimatnyo basalemak peak.

Udin : Caleg mode ko, banyak di kampung wak, mah.
Nan den camehan, kok duduak nanti apo nan nyo lakukan. Lah sudah buto IT, manulis jo manyusun kato, masih belepotan.

Atuik : Caleg engak, mode ko jan dipilih. Santiang jo anak den nan baru kelas 3 SD main FB, WA dan BBM. Kalah dek nyo, Caleg engak ndak ngarati IT samo sakali.

Udin : Parahnyo Atuik, ado juo Caleg dan tiok sabanta buek status, tiok menit manjawek status urang.
Buek status bantuak urang buek makalah. Tapi, kalimat sapanjang tali baruak, lah sasak angok wak mambaconyi, nan titik jo ko alun juo basuo.

Atuik ; Mungkin, samaso sakolah dulu, nyo acok cabut pelajaran Bahasa Indonesia, sahingga ndak tahu dima titik koma, apalagi EYD.

Atuik : Wak, ambik se hikmahnyo, Udin. Satidaknyo, dari tulisan, status maupun berdebat manjawek status urang, wak bisa mancalik Caleg berkualitas atau indaknyo.
 
Top