Om, telolet, Om. Itu bahaso anak mudo kini. Ampia sarupo jo maso dulu, Mak, bunyian kalason ciek Mak.
Kini ado telolet. Dulu maso tahun 70-an namonyo kalason. Tasabuik di kampuang si Malanca oto merah jambu punyo kalason. Oto ko isinyo duobaleh tampek duduak. Anam untuak duo bangku panjang di balakang: isi tigo sabalah. Ampek di tangah. Duo di mungko jo sopir.
Kenek nan disabuik kalene atau sitokar, mancangkuang di tangah duo bangku panjang balakang. Inyo tukang mintak pitih ongkos. Jikok bocor ban di jalan, inyo pulo nan manumbok.
Sopir oto merah jambu namonyo si Am. Tasabuik si Am Merah Jambu. Sitokarnyo, adiak dek si Am, namonyo si Yus. Oto merah jambu lalok di rumah si Am di kampuang si Malanca. Sahari hari manambang di Bukiktenggi.
Tiok pagi merah jambu barangkek dari Kampuang si Malanca ka Bukiktenggi. Kalau hari Salasa inyo manambang di kampuang. Maangkuik anak nagari ka Pasa Kacamatan. Baitu juwo hari Kamih. Merah jambu mambaok panumpang ka Batusangka.
Oto merah jambu nan pakai kalason sangek dinanti anak anak di tapi jalan, sakadar mandanga lagu lagu nan dimainkan dek sopir. Tamasuak si Malanca, panggemar kalason bana. Si Am Merah Jambu, mulai pandai mamainkan kalason. Inyo hanyo pandai saketek saketek.
Tapi ado kawan si Am ko namonyo si Syaf jo si Man, santiang bana main kalason. Kaduo urang ko pandai mambaok an lagu lagu Minang jo kalason. Sarupo lagu malereang tabiang, sabu andaleh, baranak ampek, malah bunyi talempoang unggan bagai.
Ado kutikonyo, wakatu tu, si Man nan santiang main kalason, mambaok oto merah jambu dari kampuang si Malanca ka Bukiktenggi. Malanca sangajo dibaok dek amaknyo naik oto merah jambu.
Sanang na ati Malanca maso tu. Pandai bana amak Malanca manyanangan hati anaknyo. Sampai kini takana dek Malanca, baso amaknyo nan paliang tahu jo parasaannyo.
Sayang kini, kutiko hari Ibu, urang lah mintak maoh, maraok ka ibu nyo masiang masiang, si Malanca baurai aia mato. Sabab, amaknyo lah maningga sabaleh tahun nan lapeh.
"Aamaaak, ambo pulang," kato Malanca di rumah nan lah usang. Tapi ndak ndak ado suaro nan manjawek.
Aia mato Malanca taganang.
Kini ado telolet. Dulu maso tahun 70-an namonyo kalason. Tasabuik di kampuang si Malanca oto merah jambu punyo kalason. Oto ko isinyo duobaleh tampek duduak. Anam untuak duo bangku panjang di balakang: isi tigo sabalah. Ampek di tangah. Duo di mungko jo sopir.
Kenek nan disabuik kalene atau sitokar, mancangkuang di tangah duo bangku panjang balakang. Inyo tukang mintak pitih ongkos. Jikok bocor ban di jalan, inyo pulo nan manumbok.
Sopir oto merah jambu namonyo si Am. Tasabuik si Am Merah Jambu. Sitokarnyo, adiak dek si Am, namonyo si Yus. Oto merah jambu lalok di rumah si Am di kampuang si Malanca. Sahari hari manambang di Bukiktenggi.
Tiok pagi merah jambu barangkek dari Kampuang si Malanca ka Bukiktenggi. Kalau hari Salasa inyo manambang di kampuang. Maangkuik anak nagari ka Pasa Kacamatan. Baitu juwo hari Kamih. Merah jambu mambaok panumpang ka Batusangka.
Oto merah jambu nan pakai kalason sangek dinanti anak anak di tapi jalan, sakadar mandanga lagu lagu nan dimainkan dek sopir. Tamasuak si Malanca, panggemar kalason bana. Si Am Merah Jambu, mulai pandai mamainkan kalason. Inyo hanyo pandai saketek saketek.
Tapi ado kawan si Am ko namonyo si Syaf jo si Man, santiang bana main kalason. Kaduo urang ko pandai mambaok an lagu lagu Minang jo kalason. Sarupo lagu malereang tabiang, sabu andaleh, baranak ampek, malah bunyi talempoang unggan bagai.
Ado kutikonyo, wakatu tu, si Man nan santiang main kalason, mambaok oto merah jambu dari kampuang si Malanca ka Bukiktenggi. Malanca sangajo dibaok dek amaknyo naik oto merah jambu.
Sanang na ati Malanca maso tu. Pandai bana amak Malanca manyanangan hati anaknyo. Sampai kini takana dek Malanca, baso amaknyo nan paliang tahu jo parasaannyo.
Sayang kini, kutiko hari Ibu, urang lah mintak maoh, maraok ka ibu nyo masiang masiang, si Malanca baurai aia mato. Sabab, amaknyo lah maningga sabaleh tahun nan lapeh.
"Aamaaak, ambo pulang," kato Malanca di rumah nan lah usang. Tapi ndak ndak ado suaro nan manjawek.
Aia mato Malanca taganang.
Post a Comment